LOCHI DI LINGUA
Lochi di lingua
Lingua si chjama vita, locu si chjama lingua.
Lingua di l’alte cime, inalpellata po sò ! Altiera, pumposa è ribella m’anu fattu, in punta di lingua sempre seraghju !
Lingua di u bracanà, crucivia po sò ! Braccitesa, generosa è furzacuta m’anu impastatu, crucilingua sempre seraghju.
Lingua di l’usciu, malandata po sò ! Materna, paterna è suciale m’anu dettu, locu di lingua sempre seraghju ? Lingua di l’arcanu, fatata po sò ! Arcàica, bughjicosa è indòmita m’anu improntu, lingua di l’incantèsimi sempre seraghju ?
